Barsiisa Hundee Kiristiyaanummaa

                                        Barsiisa Hundee Kiristiyaanummaa

                         Barumsa fayyinaa

            Uumamaa fi Kufiinsa Ergamaa isa Kufee /Seexanaa/

Seexana: - Jecha Ibrootaa yeroo ta’u hiikni isaas “gufachiisaa”, diina gufuu kaa’u jechuu dha.

Diyaabilooos:-Jecha Girikii yeroo ta’u hiikni isaas “hadheessaa” jechuudha.

                       Maaliif Uumamee?

1. Waaqayyoon galateeffachuuf uumame (His 28:13)

2. Ulfina Waaqayyoo akka golguuf kan dibame /filame/ ture (His 28:14)

3. Bareedinni uumamaanis kan guutame ture (His 28:12)

                        Maaliif Kufee?

1. Bareedina isaa irraa kan ka’e waan kooreef /of jajuun/ (His28:17)

2. Isa hundumaa gararraa jirutti of fakkeesse /ta’uu/ barbaade (Isa 14:12)

                         Bu’aa Cubbuu Isaa

1. Hordoftoota isaa wajjin gara lafaatti gad darbatame (His 28:17)

2. Gara fuula duraatti gara boolla dukkanaa fi galaana ibiddaa keessatti ni darbatama

(Isa 14:15, Mat 25:41, 2Phex 2:4)

                          Uumamaa fi Kufaatii Namaa

Namni akka bifaa fi fakkeenya Waaqayyootti uumame (Uma 1:26)

Waaqayyo biyyoo lafaa irraa nama tolche (Uma 2:7)

Namnis lubbuu jiraataa kan qabu ta’e (Uma 2:7)

Naannoo isaa hundumaa akka bituuf uumame (Uma 1:26)

Iddoo dhaaba Eden akka eeguu fi akka tottolchuuf achi keessa isa kaa’e (Uma 2:25)

Gargaartuu isaaf taatus isaaf uume (Uma 2:18-25)

Muka jireenya kennu irraa akka hin nyaanne isa abboome (Uma 2:16)

                              Kufaatii Namaa

Seexanni /bofni/ dubartittii gowwoomse (Uma 3:1-7, 1Xim 2:14)

Abbaan manaa ishees jecha haadha manaa isaa dhaga’uu isaatiin irra daddarbe (Uma 3:6, 3:17)

                        Sababa Isaan Cubbuu Hojjetaniif

Akka Waaqayyoo ta’uu barbaaduu (Uma 3:5)

Dubbii Uumaa irra dubbii uumamaa dhaga’uu /sagalee/ dhaga’uu. (“Dubartittiin sagalee

Seexanaa dhaga’uudhaan, Inni dhiiraa immoo sagalee haadha manaa isaa dhaga’uudhaan.”

Mukichis nyaataaf kan bareede Fedha foonii

Ijattis kan nama hawwatu Ijatti Bareeduu isaa

Ogummaadhaafis gaarii akk ta’e argite Jireenyaan boonuu

Uma 3:6 fi 1Yoh 2:16 wal- bira qabuun ilaali.

Isaan sadan armaan olii kun karaalee cubbuun ittiin galaniidha. Seexanni karaalee sadan kanneen

fayyadamuun qoree nama kuffise. Gooftaan keenya Yesuus (Mat 4:1-10) Seexanaan qoramuu

isaa dubbisuun karaalee sadan armaan olitti eeraman wajjin wal bira qabdee ilaaluuf yaali.

                            Bu’aalee Cubbuun Nama Irratti Fide

1. Qullummaan / hir’inni/ waanti jibbisiisaan nama irratti dhufe (Uuma 3:7)

2. Sodaachuu yookiin dhokachuu jalqabe (Uuma 3:8-10)

3. Abaarsatu dhufe (Uuma 3:16-21)

4. Iddoo dhaaba Eden keessaa ari’ame (Uuma 3:22-24)

5. Namni walii walii isaa miidhuu jalqabe (Uuma 4:1-8)

6. Yaadni garaa namaa jal’aa ta’e (Uma 6:5)

                             Namni Hundinuu Cubbamaa ta’e.

Dhalatee hanga du’utti seera eeguudhaan jabaatee kan jiraatu eenyu illee hin jiru (Rom 3:20)

kanaaf namni hundinuu seera irra daddarbuu isaa irraa kan ka’e abaaramaa ta’e (Gal 3:10).

Namni seera hundumaa eegee garuu tokkoon ishee yoo dogoggore/cabse/ hunduma kan irra

daddarbe ta’a (Yaq 2:10). Kanaafuu namni bara umurii isaatti al tokko qofa yoo dogoggore

illee qajeelaa ta’uu hin danda’u. Sababa kanaafis warri akka tilmaama namaatti qajeelota

jedhaman fuula Waaqayyoo isa hundumaa beeku duratti cubbamoota (Rom 3:23, 5:12, Lal

7:20)

Namni fuula Waaqayyoo duratti qajeelaa ta’uu hin danda’u (Iyo 4:17, 9:2, Rom 3:20)

Tokkollee qajeelaan hin jiru (Far 14:2, Rom 3:11)

Qajeelota warri jedhaman illee cubbuu ni hojjetu (Lal 7:20)

Qajeelinni keenyas fuula isaa duratti ga’aa miti (Isa 64:6)

Seera eeguudhaan fuula waaqayyoo duratti qajeelaa ta’uun hin danda’amu (Rom 3:20, Gal

2:16,21, Efe 2:8)

Dhala namaa gidduutti garaa garummaan qajeelummaa hin jiru (Rom 3:22)

Ayyaanni amantiidhaan qajeelaa godha /ni qajeelcha/.

Yaadachiisa: Itti dabalataan barumsa seeraa fi ayyaana jedhu ilaali.

                  Waaqayyo Nama Fayyisuuf Mala /Karaa/ Inni Qopheesse

Eenyuyyuu ofii isaa karaa kamiin illee fayyisuu waan hin dandeenyeef Waaqayyo ofii isaatii fala

ittiin nama fayyisu qopheesse.

Ilma isaa Fayyisaa akka ta’uuf erge (1Yoh 4:14)

Waaqayyo dursee utuu ilma isaa hin ergiin dura kakuu moofaa keessatti waa’ee fayyina isa

dhufuu fakkeenyaan ni agarsiisa ture.

Fakkeenya: - Addaam qullaa isaa dhoksachuuf /golgachuuf/ harka isaatiin baala hodhee of irra

buuse. Waaqayyo garuu dhoksaa /ichitii/ Addaam gogaa ofii isaatii qopheesseen dhokseef /

golgeef/. Innis fakkenya Yesuus ture (Uuma 3:2)

Dubartittii irraa kan dhalatu mataa bofichaa akka buruksu raajii dubbate (Uum 3:15)

Hoolaa aarsaa cubbuu ta’ee Ijoollee Israa’eliin fakkeenyaan barsiise.

Fakkeenya: - Kutaalee Macaafa kakuu moofaa keessatti iddoo dhibboota hedduu keessatti

fakkeenyaan fi gaaddiduudhaan ni argana. Waantonni kakuu moofaa keessatti mul’atan

gaaddidduu yeroo ta’an qaamni inni dhugaan garuu Kiristoosidha (Qol 2:16)

                       Fakkeenyaa fi Hiika Hoolaa Leewwota Boqonnaa 4 irraa

Namni tokko abboomota keessaa tokkoon ishee yoo irra darbe/cabse/ korommii/jiboota/,

hoolaa, reettii mudaa hin qabne qabatee dhiyaata. Harka isaa mataa horii fidee irra kaa’uun

cubbuu isaa Waaqayyotti himuudhaan baachisa. Horii sanas ni qala. Lubichis dhiiga isaa

fuudhee godoo qulqullaa’aa /Iddoo aarsaa/ duratti si’a toorba ni facaasa.

                        Bara Kakuu Haaraatti Hiikaa Fakkeenya Kanaa

Hoolaan mudaa hin qabne Yesuus (Yoh 1:14, Ibr 7:26)

Gooftaa Yesuus ofii isaa gatii cubbuu keenyaa dhi’eesse (Ibr 7:27, 10:12)

Cubbuu keenya hundumaa baate (1Phex 2:24, Isa 53:6,12)

Hoolaan Waaqayyoo cubbuu keenyaaf qalame /du’e/ (1Qor 5:7, Mul 5:9)

                        Aarsaan Horii inni bara Kakuu Moofaa Maaliif Hafee /Dhiifamee/?

Hamma Gooftaan Yesuus du’utti akka fakkeenyaatti kan kenname ture (Ibr 9:10)

Dhiigni re’ootaa fi hoolotaa cubbuu namoota irraa fuudhuu waan hin dandeenyeef (Ibr 10:4,

11, 9:12)

Sirnichi kan kennameef uummata addunyaa maraaf utuu hin ta’iin Israa’eloota qofaaf waan

tureef.

                       Furmaata Waaqayyo Keenya Biraa ta’e

Namni haala kamiin iyyuu hojii gaariidhaanis fuula Waaqayyoo duratti guutuu ta’uu yookiinis

qajeelaa ta’uu waan hin dandeenyeef Waaqayyo ofii isaatii biyyi lafaa utuu hin uumamiin dura

sanyii dhala namaa isa bade yookiin kufeef karaa fayyinaa isa karoorse mul’ise. Karaan kunis

“ayyaana /grace/” jedhama.

Ayyaana jechuun eenyummaa hin malleef kennaa akkasumatti (tola) kennamu jechuudha. Kunis

gaarummaa namichaa ilaaluudhaan utuu hin ta’iin akkasumatti gaarummaa isa kennuu

(Waaqayyoo) irraa kan ka’e kan kennamu kennaa tolaati. Namicha irraa gaarummaan eegamu

ayyaana isaaf laatame amantiidhaan fudhachuu qofa.

                    Sirna Hojii Ayyaanaa

Waaqayyo Sagaleen foon uffate (Yoh 1:14)

Waaqayyos sagalee/Ilma isaa/ fayyisaa biyya lafaa akka ta’uuf erge (1Yoh 4:14)

Ilmi Waaqayyoo Yesuus (Mat 16:16) seera hundumaa raawwate. Tasumayyuu cubbuu hin

goone/hin hojjenne/. Ibr 4:15, Ibr 2:14-18, Waaqayyo ilmi isaa iddoo keenya akka du’u

akkasumas nuyi immoo qajeelummaa isaatiin qajeelota akka taanu godhe.

         Inni Iddoo Keenya

Cubbuu ta’e (2Qor 5:11)

Abaarsa ta’e (Gal 3:13)

Cubbuu keenya isa nu irra jiru baachuudhaan abaarsaa fi du’a cubbuun nutti fidu ofii isaatii

baachuudhaan nuyi walaba /bilisa/ akka taanu godhe. Yesuus Cubbuu biyya lafaa hundumaa

baateera. Haa ta’u iyyuu malee namni yoo fayyuu barbaade hojii Yesuus qofaan akka

qulqullaa’u amamuutu isa irra jira.

              Namni Tokko Yeroo Yesuusitti Amanu Maal Ta’aa?

       Namni Yesuusitti Amane:-

1. Jireenya bara baraa qaba /hin badus/ (Yoh 3:16, 18)

2. Du’aa gara jireenyaatti ce’eera gara firdii /murtii/ hin dhufu (Yoh 5:24)

3. Firdiin /Condemnation/ irra hin jiru (Rom 8:1)

4. Dhimma seeraatiif hin gaafatamu (Rom 6:14)

5. Cubbuu isaattii dhiqateera. Qajeelaa ta’eera, qulqullaa’eera (1Qol 6:11)

6. Lammaffaa dhalateera (Yoh 1:12)

7. Ilma /mucaa/ Waaqayyoo ta’eera (Rom 8:14-17, Gal 4:6)

8. Uumama haaraa ta’eera (2Qor 5:17)

9. Cubbuun isaa isaaf dhiifameera (1Yoh 2:12, Rom 4:5-8)

10. Yeroo hundumaaf guutuu ta’eera (Ibr 10:14)

11. Hojii tokko malee amantii qofaan qajeelaa ta’eera (Efe 2:8)

12. Kennaan ayyaanaa kennameeraaf (1Qor12:4-11)

13. Hafuura Qulqulluudhaan caapheffameera/Mallateeffameera/ ( Efe 1:13)

14. Hafuurri qulqulluun isa keessaa buufateera (Yoh 7:38, 14:15-17)

15. Mirga Abbaa taa’eera (Efe 2:4-8) fi kan kana fakkaatan…

                 Fayyuudhaaf Gooftaa Yesuusiin Qofa Maaliif Filannee?

Sababni isaas:-

Fayyisaan isa qofa waan ta’eef (Isa 43:11, Hoe 4:12)

Cubbuu keenyaaf kan du’e isa qofa sababa ta’eef (Yoh 3:15, 1Qor 15:3)

Cubbuuttii /irraa/ kan qulqulleessu dhiiga isaa qofa waan ta’eef (1Yoh 1:17)

Gara Abbaa dhufuun kan danda’amu karaa isaa qofa waan ta’eef (Yoh 14:5-6, Efe 2:18)

Jireenyi isa qofa waan ta’eef (Yoh 14:6)